ربنا بينقذ مش بيعاقب

(تأمل عن محبة الله لنا)

بنت بتسأل الانبا بافلى الاسقف العام وبتقول انا حاسه ان ربنا بيعاقبنى
فسيدنا قالها بصى يابنتى انا لو ماشى ومعدى من على قضبان القطر ولقيت بنت نايمه على القضبان
والقطر عمال يضرب نور وصوت جامد وهى مازالت نايمه
انا هاروح اشدها من شعرها وهرميها بعيد عن القضبان هتتعور اكيد
ويحصل كدمات من الخبط اكيد بس انقذتها من الموت.
ربنا بينقذ يابنتى مش بيعاقب.
هيجيلك وقت هتحصلك حاجات ف حياتك مش مفهومه، ناس هتسيبك من غير أسباب .. شغل هيتعطل ..
أحلام هتتأجل .. ابواب هتتقفل ف وشك فجأه ..
هتحس ان حياتك بتتلخبط وكل حاجه نفسك فيها بتروح منك .. اقولك سر ؟! .. يا بختك ..
يا بختك لأنك هتشوف العجب ف حياتك .. كل حاجه بتحصل ف حياتك مقصوده ..
كل اللغبطه اللي انت عايشها دلوقتي نهايتها فرحه وخير اكبر مما تتخيل ..
اصبر واطمن .. ربنا هيفاجئك قريب .. هو عارف شغله كويس وعارف بيعمل ايه ..
غمض عينك هتسمع صوته وهو بيقولك :
لَسْتَ تَعْلَمُ أَنْتَ الآنَ مَا أَنَا أَصْنَعُ، وَلكِنَّكَ سَتَفْهَمُ فِيمَا بَعْدُ

شارك الفكرة مع خدام آخرين ✨

155

** لا توجد تعليقات على هذه الفكرة..