مقدمة شيقة للدرس

(معلومات عن الخدمة)

لازم بالضرورة
فى بداية الدرس انك تعمل مقدمة شيقة جداً وقصيرة لجذب كل طفل من عالمه إلى عالمك..

لأنه ممكن ولد يكون بيفكرفى الواجب اللى معملوش. والاستاذ اللى بكرة هيضربه فى المدرسة او قلقان لأنه عمل مشكلة معينة النهاردة وخايف حد يعرفها
او يكون باباه متخانق مع مامته فى البيت.. أو أى مشكلة شاغلة فكره.
دورك كخادم انك تنسيه الضغوط دى بالمقدمة الشيقة للدرس
ممكن تكون قصة - لعبة - سؤال - صورة - فيديو ..

مثال:
قصة داود وجليات.. نبدأ نخلى الولاد يتخيلوا واحد قوى وضخم، منزل صورته في الجيم على الفيسبوك.. وجه واحد تانى قصير ورفيع، وراح كاتب كومنت على الصورة إنه لو شافه هيضربه ويكسره..
ونتخيل الكومنتات ال هاهاهاها، والناس بتتريق ازاى على الولد القصير!! وإيه اللى هيحصل لما الاتنين هيتقابلوا فعلا....
وندخل على الدرس، بس بعد ما نكون جمعنا تفكير المخدوم، وجمعنا عقله المشتت من كل اتجاه..

اكتبوا لنا كومنتات عن مقدمات رائعة عملتوها في الدرس في مدارس الأحد..
نحب نكمل بعض وناخد خبرات من بعض، وكلنا ناخد بركة على مشاركة الخبرات الجميلة دي..
نحب نشوف كومنتاتكم..

شارك الفكرة مع خدام آخرين ✨

393

** لا توجد تعليقات على هذه الفكرة..