دايماً بيعوض

(تأمل عن محبة الله لنا)

ناس مدهاش نعمة الجمال لكن اداهم قبول ف عيون كل اللى بيشوفوهم ...
ناس مدهاش نجاح ف دراستها لكن اداهم موهبة عظيمة تتكلم عنهم.

ناس مدهاش لباقة فى الكلام بس اداهم روح حلوة.

ناس مدهاش نعمة الارتباط بيه بس اداهم قلب بيوجعهم لما يعملوا حاجة تضايقه.

ناس مدهاش روح القيادة بس اداهم self confidence عظيمة ...
ناس مدهاش إمكانيات ولا عيلة قوية يتسندوا عليها بس اداهم positive energy بتحركهم دايما لقدام.

ناس مدهاش ماضى حلو بس اداهم مستقبل مبهر.

ناس مدهاش صحة بس اداها رضا وقوة ، وناس مدهاش شغل مريح بس اداهم ناس ينسوهم تعب الشغل.

ناس حرمها من الاب والام بس عوضهم بوجوده ، وناس مدهاش نعمة لمة الصحاب بس اداهم زوجة عظيمة.

ناس مدهاش استقرار نفسي ف حياتها بس حط ف طريقهم الناس اللى تحتويهم وتحببهم ف نفسهم مرة تانية.

ناس مدهاش نعمة انها تكون اجتماعية بس اداها أنها تكون مؤثرة فى حياة ناس تانية.

الجميل فى كل ده مش انه بيعوضنا وخلاص.
لأ الاجمل لما نتخيل .. هو ربنا بيعمل ايه ف السما ؟!
تقريبا مبيعملش حاجة غير انه باصص علينا ، بيفكر ازاى يرضينا ... يفرحنا ... يداوينا ... يجددنا دايما .... واخيرا لما يلاقينا ناقصين يعوضنا.??

شارك الفكرة مع خدام آخرين ✨

464

** لا توجد تعليقات على هذه الفكرة..