البوربوينت
الفيديو
القصص
الفقرات الكتابية
أقوال الآباء
الاسكتشات
وسائل الإيضاح
الدروس
ماركو برسوم
2022-08-20
إسمعها!!
(تدريب روحي عن العائلة)
من صفات الزوج الجدع انه بيعرف يسمع زوجته
وخصوصًا وهى بتتكلم فى موضوع مش مهم (بالنسباله) زى أنها اتخانقت مع الكوافيرة اللى عملتلها كيراتين وراحت عند كوافيرة تانية..
فيقوم بعد نص ساعة من الكلام فى القصة دي يقولها: عادى حبيبي، المهم شعرك طالع حلو أوى على فكرة.. فيديها طاقة إيجابية لمدة أسبوع قدام ..
أوتحكيله أن الطماطم خضرا وسعر البامية نار، وتنقل الرغى فجأة على حوار الجزمة اللى اشترتها زى بتاعة ممثلة فى مسلسل تركي، أوريهالك ؟؟
ولا هو عارف مين الممثلة ولا شاف المسلسل، بس يقولها ماشى حبيبتي ورينى ..
الراجل اللى بيسمع الست ويشاركها فى يومها من غير ملل ولا اهتمام ظاهرى ولا غلاسة من نوع "خلصى بقى" وأنا مالى الكيراتين على الجزم على البامية.. أنا مصدع ماترغيش .. أو بيبص فى تليفونه، أو هربان طول الوقت برة البيت..
بيخسرها وبيخسر معاها سنين عمر بتعدى، وبتتغير من غير ما يفهم هى اتغيرت وبطلت تحبه ليه!!
مسرعا في الاستماع ، مبطئا في التكلم مبطئا في الغضب (يعقوب 1 : 19)
** لا توجد تعليقات على هذه الفكرة..
