رعاية الغنم

(تأمل عن الخدمة)

اسمع دي و ركز كويس..

تخيل موسي يتحول من ابن ابنة فرعون الي (راعي غنم) ثم الي القيادة و يُخرج شعب الله من ارض مصر!

يتحول يعقوب من ابن رجل غني (اسحق) الي طريد ثم الي (راعي غنم ) ثم ينال بركة ويدعي اسمة اسرائيل ( لأنك جاهدت مع الله و الناس و قدرت!

يتحول يوسف ، ابن يعقوب ( راعي الغنم)
يوسف نفسة بدء يرعى غنك من و هو عنده 17 سنة
ثم ملك على مملكة مصر!

يتحول داوود من عازف (يرعى غنم ) و يعزف على القثيارة، الي ملك ممسوح مع ايقاف التنفيذ
ثم العازف الشخصي لملك اسرائيل
ثم رجل حرب يتوسع و يمتلك
ثم ملك حسب قلب الله يصنع كل مشيئتة

واضح ان رعاية الغنم كانت زي مدرسة المعارك الكبرى قبل الانطلاق للخدمة و البركة
حاجة كدة عاملة زي ( مدرسة الصاعقة) الي في الشرقية!
صحراء . تعب. مواجهة وحوش ضارية. الوحدة.الصبر. الحكمة.التحمل

تقريباً كدة، كل تعب بتعدي فيه دلوقتي قبل انطلاقك للخدمة او مهمتك الاساسية، هي رعاية غنم( تدريب)
استحمل رعاية الغنم دي علشان محدش طلع منها خسران ابداااا

اجمد و اتشجع و اصبر
و لو اشقى عليك الرب في الصعاب فإحتمل
لو تأنى عليك ، متزعلش
لو حاسس انه متأخر عليك في طلباتك فا اكيد الامر مرفوع قدامة و ان تأنى ، سيستجيب?

تقريبا كدة انت دلوقتي بترعى غنم

شارك الفكرة مع خدام آخرين ✨

468

** لا توجد تعليقات على هذه الفكرة..