علاقات مش في مكانها

(تأمل عن الحرية - الحدود)

فدخل ابراهيم على هاجر ، فحبلت منه . ولما رأت انها حبلت ، صغرت مولاتها في عينيها . (تكوين 16 )
هاجر كان دورها في حياة ابراهيم مجرد [جارية] .. لكنه حطها في مكان اقرب بكتير (انها تكون ام لابنه) .. والعلاقة بينهم اتدمرت، واحتقرت الجارية زوجته سارة ، وسارة احتقرتها وغارت منها .. وانتهت العلاقة تماماً، وهاجر هربت !
+ علاقات كتير بتخرب وتنتهي لما تتحط في مكان مش مكانها !
+ إتعلم تسأل ربنا عن كل علاقة بيحطها في حياتك : دي مكانها فين ؟
مكانها ارتباط؟ ولا صداقة؟ ولا مجرد خدمة؟ ولا زمالة عمل؟
+ لأن بمجرد انتقال علاقة لمكان مش مكانها سواء ابعد او اقرب، في الحال بتخرب !! رغم ان كان ممكن يكون لها دور عظيم في حياتكم وتنمو سوا .. مثلاً : حد يكون مجرد زميل عمل ليس اكبر ولا اقل .. تروح حاطه صديق شخصي مقرب وتحكي له اسرارك ويدمر حياتك !
+ ياريت نفهم خطورة انك تحط علاقة في مكان مش مكانها ، سواء اقرب او ابعد من المكان الصحيح ..

شارك الفكرة مع خدام آخرين ✨

1458

** لا توجد تعليقات على هذه الفكرة..