مقارنة نفسي بالآخرين - إنت فاكر نفسك فاشل؟؟ تبقى غلطان!!

(بوربوينت عن المقارنة)

إنت فاكر نفسك فاشل؟؟ تبقى غلطان!!
- أبانوب جرى 5 كيلو في 25 دقيقة، ماجد جرى 5 كيلو في 35 دقيقة.. مين أسرع وأقوى وأفضل بدنيا؟
- أبانوب طبعًا!
- برافو ..أبانوب جرى الـ 5 كيلو داخل استاد وعلى نجيلة وأرض مجهّزة.. وماجد جرى الـ 5 كيلو على الشاطئ على أرض رملية..
مين أسرع وأقوى وأفضل بدنيًا؟
- ممم .. جايز الإتنين متعادلين
- طيب .. أبانوب عنده 23 سنة .. ماجد عنده 45 سنة ..
مين أسرع وأقوى وأفضل بدنيًا؟
- ماجد!
- طيب .. أبانوب وزنه 73 كيلو .. وماجد وزنه 85 كيلو
أبانوب معافى .. ماجد عنده رباط صليبي
أبانوب دي عاشر مرة يجرب يجري المسافة دي.. ماجد أول مرة . وهكذا.
كل ما نعرف عن ماجد أكتر .. كل ما هنديله رصيد أكتر
إيه رأيك فينا لما حكمنا بأفضلية أبانوب على ماجد من أول سؤال فوق؟
كنا سطحيين .. صح؟ كذلك هي نفس السطحية لما تقارن نفسك بأي حد.
+ كل واحد بيئته مختلفة ، والفرص اللي بتقابله في الحياة مختلفة .. وأسرته مختلفة.. وظروفه مختلفة...
+ مينفعش تحكم على نفسك إنك فاشل عشان حد في سنك سبقك.
+ ممكن تكون إنت اللي سابق بحسب المعطيات اللي في حياتك .. وهو اللي متأخر.
+ ماتحكمش على نفسك بإنك فاشل ، عشان غيرك إشتغل شغلاتى أحسن أو إتجوز قبلك.. أو إشترى عربية.. ممكن تكون إنت اللى سابقه بكتير.
+ واحد طلع على الدنيا يتيم وهو المسؤول الأول عن أسرته واتجوز على سن 30 ‏أنجح مليون مرة من واحد طلع على الدنيا في ظل والده الغني واتجوز وهو عنده 25 سنة..
المقارنة الوحيدة العادلة اللي تعملها مع نفسك ..
إنك تقارن نفسك دلوقتي .. بنفسك من فترة.

للأسف ..
في ناس كتير سابقة ومش حاسة إنها سابقة ..
بسبب المقارنات اللي بتعملها بينها وبين غيرها ..
وتحكم على نفسها بالفشل ..
لمجرد إنها جريت 5 كيلو في 35 دقيقة ، وغيرها وصل في 25 فقط !!!

تحميل الملف المرفق

شارك الفكرة مع خدام آخرين ✨

1631

** لا توجد تعليقات على هذه الفكرة..