العبد الأسود

(قصة عن علاقتنا بالله)

العبد الأسود
كان ابونا يفتقد رجل غني ، و شاف عنده عبد لونه اسود عمال يشتغل بكل طاقته وكانه بيموت نفسة في الشغل .. فقال ابونا للعبد: يابني اللي ما يخلصش النهاردة يخلص بكرة .
فقال: لا يا ابونا انا لازم افرح قلب سيدي اصلك ما تعرفش عمل معايا ايه.. انا كنت عبد لسيد تانى وكان بيقولي يا عبد يا اسود وكان بيضربني ويجرحني وجالي دمامل في جسمي، فقالي هبيعك يا عبد يا اسود واخلص من قرفك.. وراح السوق يبعني، ووقفت بين صفوف العبيد ، وعدى عليّ سيدي وطلب يشتريني انا بوحاشتي ومرضي . سيدي الاولاني قاله ده وحش قاله عاجبني. قال ده عنده دمامل وهيبوظلك فرشة السرير اللي هينام عليها قاله برده عاجبني. قاله ده ريحته وحشه جدا ويقرف الكلب. قاله برده عاجبني. قاله طب انا هبيعة بدينار احمر. قاله وانا هشتريه مع ان تمن العبد ارخص من كده، ودفع التمن.. وقالي كلمة اول مرة اسمعها ، قالي: ياللا يابني .. سيدي الاولاني كان بيقولي يا كلب يا جربان لكن سيدي التاني قالي يا ابني.. عرفت لية لازم افّرح قلب سيدى؟!!
ابونا قاله : كفاية يا ابني.. أحزنت قلبى . انت سيدك اشتراك بدينار احمر وحافظ الجميل ، وانا سيدي اشتراني بالدم الاحمر ومش مقدر الجميل !

شارك الفكرة مع خدام آخرين ✨

801

** لا توجد تعليقات على هذه الفكرة..