البوربوينت
الفيديو
الفقرات الكتابية
أقوال الآباء
الاسكتشات
وسائل الإيضاح
الدروس
ماركو برسوم
2022-08-08
العيون الحلوة
(قصة عن المحبة)
كان ملك عايش زمان .. كان بيشوف بعين واحدة.. وبيعرج بالرجل الشمال
نادى ف المملكة وقال عايز يرسمني رسام ..!
بدأ الكل طبعا يعتذر ..!! ومين ده اللي هيقدر يجترئ ،
ويرسم صورة تظهر عيوبه ف كل مكان ..؟!!
لحد ما جه واحد وقال للملك : انا ياسيدي ليا الشرف إني ارسمك ، وأقضي معاك وقت كمان ..!!
ولأن سيدي صياد ماهر .. تتحاكى عن براعته البلدان ،
فاسمحلي ارافقك ف رحلة صيد ، وارسم جلالتك بتصيد الغزلان ..!
وافق الملك بكل سرور .. ونادى على عبده مسرور ،
جهز حصاني وقوسي وسهمي .. واعطي رسامي فرشة والوان
وصلوا الغابة فقال الرسام : جلالتك تركع ع الرجل الشمال ..
وتفرد قوسك وتوجه سهمك .. وتقفل عين واحدة بإحكام ..
وفعلا .. رسم اللوحة ببراعة .. ولونها بفن واتقان ..!
شافها الملك فرح.. اصلها أخفت ضعفه .. قوة ومواهب ، حُسن وجمال ..!
مسك الرسام قلمه ومشى يقول : يحيا ملكنا قائد الفرسان.
فيه_ناس .. عينيها تكشف بس العيوب ..
وناس افضل شوية ..تقولك بعيوبك مقبول ..
وناس احلى واحلى واحلى ..بمهارة تعمل م القبح جمال
منقول من ت/شيرين مجدي
كنيسة الشهيد ابانوب الغردقة.
** لا توجد تعليقات على هذه الفكرة..
