من هو القديس؟؟

(تأمل عن القداسة)

ليس فقط القديسين هم المعروفين كالأنبا أنطونيوس والأنبا بولا

القديس : هو اللى بيغفر للمسيئين وينسي اساءتهم .
اللى بيهرب من جلسات النميمة والأدانة وانتقاد الناس وظلمهم.
اللى بيصنع سلام ومش داير يكره الناس فى بعض.
اللى بيكلم ربنا ويسمعه كل يوم فى مخدع الصلاة بدون فتور.
اللى بيدخل القداس بوعى وتركيز يصلى ويتحد بالمسيح بفرح.
اللى مش بتاع تحزبات وثورات وإهانة وفضيحة للناس.
اللى لما يشوف خطأ يركع ويصلى ويمد ايد المساعدة اذا كان يقدر.
اللى حاسس باللى حواليه وأحتياجاتهم وبيجري يسددها .
اللى بيفكر كتير فى السما وبيشتهي اليوم إللى هيروح فيه هناك
اللى بيراعى فى تصرفاته أنه مايكونش سبب عثرة لغيره .
القديس هو كل أب وأم بيهتموا بروحيات ولادهم وأبديتهم أكتر من التعليم واللبس والأكل والفسحة.. وهم إللى مش بيكذبوا ويحلفوا ويشتموا قدام ولادهم علشان مايتعلموش منهم ده.

القديس مش بس اللى كان عايش فى الجبل
ومش متجوز ومش بياكل ومش بيلبس زى الناس..

شارك الفكرة مع خدام آخرين ✨

596

** لا توجد تعليقات على هذه الفكرة..